لا لميس ولا مهند

لا لميس ولا مهند فيهـم الحسـن الفريـد
شفت انا اجمل مٍنًهم في بـلادي ياغشيـم
(السعوديه) حلاهـا زايـد بوصفـه عديـد
من مواطيها لخصلـة جيدهـا قمـة نعيـم
وانت هرجك اقصره وانصحـك لا لا تعيـد
دام شينك مبتليـك مـن اصولـك يافهيـم
ياخساره ضاع فعلك وانت في حكيـك بليـد
من برامـج واطيـه حدهـم فعـلٍِ هزيـم
لاتعمـم دام عينـك ماتشـوف الا البعيـد
والقريب بمحزمك شيـن بوصافـه عديـم
منبطح يومك وليلك عند شاشه مـن حديـد
صرت مثل البنت تحكي عن مسلسل يالرخيم
راحت ايام النشامـا فعلهـم نـار وبريـد
لاحكو حكي بمجالس رعدهم يبـرق بغيـم
اعقل وخلك رزين وبالحكـي خلـك زهيـد
لاتوضح للي حولك إن مـن جنبـك هريـم
فكر بهرجك قبل يظهر ومـن فمـك يزيـد
تحتقرك الناس تهرب تبتلش تصبح غريـم
وإنتي يالبنت الدنيه صرتي تتسمـي جديـد
لعنبو قلبك رخيصه تغيّري المبداء القديـم
لو تغيري ماتغيري رسمك بوجهـك عتيـد
الملاغه في للسانك شينه من بـد الحريـم
دام شينك محتويك اسكتي ولا مـن جديـد
وش مهند وش حلاتـه لاتعيـدي يـا(...)
لا مهند ينفعـك لا طقـك الشـوق العنيـد
ولا لميس بتنفعك لا ثـار شوقـك يالحليـم
ديرتي فيها الملامح حور ذا علمـي الاكيـد
لا لميس ولامهنـد جعلهـم نـار الجحيـم

اللهم آمــيــن

مع تحياتي...

صح لسانك ..لا لميس ولا مهند .. ولا يحيى ولا نور .. ههههههههههههههه

هههههههههه
دام السعودية فيها كل الحلى
أبي أعرف ليش مهند ولميس...
ههههههههههههه
مشكورة على المرور...

صح لسانك أخوي .. علاوي ..
والله لامهند ولالميس ينفعون ..
ومافيهم شي زود عن السعودية ..
يسلمووو .. علاوي ..
على الطرح المميز ..
لاعدمناك ..

تحياتي .. أحلى زعل ..